23 జన, 2013

ప్రేమలో పడ్డాను



అవును నిజమండి.
అలాగిలా కాదు పీకల్లోతు ప్రేమలో

పెళ్ళైన భారతనారీపతివ్రతాసాధ్వీశిరోమణివనుకుంటుంటే  ఈ ప్రేమేమిటో?నువ్వేదో మంచి పిల్లవనుకున్నామని దండకము మొదలు పెట్టేముందు ఒక్కసారి టపా పూర్తిగా  చదవ మనవి.
నేను ప్రేమలో పడింది ఇదిగో దీనితో..




తెలుపు,గులాబీ,వంగపండు రంగులు రకరకాలుగా మేళవించి గుత్తు గుత్తులుగా పూసే ఈ పువ్వులు నా మనసు దోచేసుకున్నాయి.కాసియా జవానికా అంట ఈ మొక్క పేరు.ఈ మొక్క ఎలగయినా పట్టేయాలని గూగులమ్మను అడిగితే,అమేరికా వంటి దేశాలలో ఆన్లైన్లోనే   దొరికేస్తున్నాయి కానీ ఇక్కడ దొరకడం లేదు..వరసగా ఇక్కడ ఉన్న నర్సరీలన్నింటికీ ఫోను చేస్తుంటే ఎన్ని మొక్కలు కావలి అంటారు..ఒక్కటంటే ఒక్కటేనండి అన్నామనుకోండి.."కడియం నించి తెప్పించాలండి..ఒక్కటైతే తెప్పించలేము" అని చెప్పేస్తున్నారు..:(
నేను ఊరుకుంటానా??వారాంతంలో దీని వెతుకులాటే నా పని.ఇంకా మా సారుకి చెప్పలేదు.చెప్తే,
"దేవీ
నీకేల ఈ పనికిమాలిన తపన
దేనికోసం ఈ సోధన.
నాకు తీరని వేదన.??"
అని లబోదిబోమంటారు.:D
చూశారా నన్ను అనవసరంగా అపార్ధం చేసుకున్నారు.
ఈ పాపం ఊరికే పోదు..మొక్క దొరకాలని నన్ను (నాకు తెలిసేలా..;)) ఆశీర్వదించి పాపానికి పరిహారం చేసుకుంటేనే,ఒక పూట నూనె వేపుడు(నరకంలో) తగ్గుతుంది:)

15 వ్యాఖ్యలు:

  1. పపడండి.అహహహ! ప్రేమలో పపడండి.ఒక మొక్క ఎలా పంపగలను?

    ప్రత్యుత్తరంతొలగించు
    ప్రత్యుత్తరాలు
    1. ఎమిటీ మొక్కే నాకే పంపిస్తానంటున్నరా??
      వ్యాఖ్యకు ధన్యవాదాలు శర్మగారు..:))

      తొలగించు
  2. అహహహ! ప్రేమలో పపడండి.ఒక మొక్క ఎలా పంపగలను?

    ప్రత్యుత్తరంతొలగించు
  3. బాగుందండి మీ ప్రేమ పురాణం, మొత్తానికి మొక్కకోసం ప్రేమలో పడ్డాను అంటారు, సరే, కాని చదివేవాల్లకి పాపం అంటగట్టెస్తార, ఇది తప్పు కదూ, మీరు కోరుకునే మొక్క దొరకాలని మనస్పూర్తిగా కోరుకుంటునాము.

    ప్రత్యుత్తరంతొలగించు
    ప్రత్యుత్తరాలు
    1. మనస్ఫూర్తిగా మీరు కోరుకుంటున్నారు కదా పాపం మీకు అంటదులెండి..వ్యాఖయకు ధన్యవాదాలు పార్వతి గారు..:)

      తొలగించు
  4. మొక్కపై ప్రేమను మాతో పంచుకున్నారంటే....భలే ఉధార్త గుణమండోయ్ మీది:-)

    ప్రత్యుత్తరంతొలగించు
    ప్రత్యుత్తరాలు
    1. వ్యాఖ్యానించినందుకు మీదీ ఉదారగుణమేనండోయ్ ..:)

      తొలగించు
  5. aa plant doriki....pedha di ayyi...alanti photo meeru upload cheyalani manasputhiga korukuntunnanu...

    ప్రత్యుత్తరంతొలగించు
    ప్రత్యుత్తరాలు
    1. దొరికిన తర్వాతా..పూలు పూచాకా తప్పకుండా ఫోటోలు పెడతానండి.మీ ఆకాంక్షకి ధన్యవాదాలు..:)

      తొలగించు
  6. మొక్క మీకు దొరకాలి బాబోయ్! నా నూనె వేపుడు గురించి కాకపోయినా మీ శ్రీ వారి మీద జాలి తో కోరుకుంటున్నాను :-P

    As usual, your style of writing is awesome :-)

    -- Sirisha

    ప్రత్యుత్తరంతొలగించు
  7. బాగా రాసారు !
    మీ మొక్క వోని దీక్ష కి ప్రతి-ఫలం (పూల చెట్టు కదూ ! ) గా మొక్క దొరకాలని కోరుకుంటున్నాను

    ప్రత్యుత్తరంతొలగించు
    ప్రత్యుత్తరాలు
    1. నా బ్లాగుకి స్వాగతం పరుచూరి వంశీ కృష్ణ గారు..
      అవును పూలచెట్టు..ధన్యవాదాలు మీ వ్యాఖ్యకు.:))

      తొలగించు

స్పందించి మీరు చెప్పే ఒక్క ముక్క..నా ఇంకో టపాకు ప్రేరణ..
పొగిడినా సరే..సద్విమర్శించినా సరే..:))